SokaLoka proiektua

 Sokak eta telak oinarri hartuta, sor daitezkeen forma eta funtzioak aztertu ditugu.

 

MonoEstudio, Candy Chang eta gizartea

Orain dela bi aste MonoEstudiokoen hitzaldia izan genuen. Gizartea eta hiriaren arteko erlazioei buruz aritu zitzaizkigun, pertsonen harremanak, hauen eta arkitekturaren artekoak ... Proiektu bat garatzerakoan forma hainbat faktorek ematen diotela azpimarratu zituzten. Diseinuak eta ekonomiak hartzen dute gaur egun leku garrantzitsuena, eta soziologo hauen ustean biztanlegoak ere badu zer esana prozesu guzti honetan. Hala, proiektu batek gizartearen beharrei erantzun beharko die. Estudio honek zera galdetzen du: zer gustatzen zait? zer behar dut? zer daukat?; beste aldetik guk nola erantzun diezaiokegu horri? zein da soluzioa?

Ubanized filmea ikusita Candy Chang kaleko artistara iritsi naiz. Zer egiten du emakume honek? Gizartea pentsatzen jartzen du. Iniziatiba honek "I Wish This Was" pegatinak zaharkitutako edo alde batera utzitako tokietan jartzea proposatzen du. Bigarren pausuak bertan bizi direnen interakzioa eskatzen du: errotulki batekin bakoitzak pentsatzen duena idatzi behar du "Hau zera izatea nahiko nuke..." Esperimentu honek zuzenki azaltzen ditu bertakoen nahiak eta beharrak. Ez al da interesgarria?

    

Urbanized (2011) by Gary Hustwit

Hirigintza, hiria, eta hiritarrak, pertsonak alegia, hizpide duen dokumental interesgarria. Nola garatu dira gauzak orain arte? Eta emendik aurrerakoak? Zein da jarraibidea? Ba al dago gaur egun etorkizunera begiratzen duen irtenbiderik?
XXI. medean sortzen/hazten ari diren hiriek XX. medekoak dituzte erreferentzia moduan. Behar bada, ez da hori oinarri ona. Hurrengo pausuak nola egigo diren kontzeptuan dago gakoa, ideia berritzaile bat behar da, mende berrirako eredugarri bilakatuko den ideia bat.

Gary Hustwit: aurretik ikusitako Objectified dokumentalaren zuzendari berarena da, "Design Trilogy" proiektuaren arduraduna.

Porous City

MVRDV eta The Why Factory (T?F) estudioen arteko elkarlanak hiri dentsitate "europearra" du aztergai. Proposamena etxeorratz porotsuak egitean dago. Lego piezes osatutako 3 metroko maketek hitzaldi eta kongresu desberdinetako ondorioak plazaratzen dituzte, etorkizunera begira jarrita etxebizitzaren (eta orokorrean eraikinen) itxuraren irudia dira.
Info iturria

Floriade 2022 - Almere

Osotasunaren irudia - MVRDV - afasiaarq blog

MVRDV arkitektura estudioa da Floriade 2022 Expo internazionalerako (Almere, Nederland - herbehereak) proposamenaren antolatzailea.
Taldeak hiriaren handitze bizigarri moduan planteatzen du expo-a, ez gune tenporal bezala. Helburua orain arte egin diren erakusketen %300ean berdeguneen handitzea da.
Planteamendu honek etxebizitzak, unibertsitatea, hotelak, espazio publikoak, erabilera anitzerako tokiak eta beste hainbat elementu jasotzen ditu. Pieza bereziak diseinatu dituzte oin planoan modu ordenatuan kokatuko dituztenak:

Piezak - MVRDV - AV Proyectos #54zkia.

Oina, sistemak eta ibilbideak - MVRDV - AV Proyectos #54zkia.

Dagoen tokia > Zatikatzea > Bideak > Eraikinak/Begetazioa > Guztia batera - MVRDV - AV Proyectos #54zkia.

Maketa - MVRDV - AV Proyectos #54zkia.

Centre Culturel Le Panier

Marsellako Le Panier auzoko kultur- guneko proiektuan hasieratik ezarritako baldintzak mantentzen dira, hala nola, alboko eraikinen profilak errespetatzea, geraaldi laburreko bisitariek ostatu hartzeko gunea, eta herritarrekiko harremana lantzeko espazio publikoagoak.

“LePANIER est vivant!” proposa- menak programa zabalagoa eskaintzen du. Aurretik esandakoaz gain liburutegi eta ordenagailu gunea; batzar areto ertaina (non ekitaldi desberdinak jaso daitezkeen, hitzaldiak adibidez); erakusketarako gune handia, plataforma berriaz gain eraikineko fatxadek eskaintzen dute aukera interesgarria; plaza osora zabaltzen den eszenatokia; aterpe berria sortuz merkatu eta brokanteen salerosketak bultzatuko dira; auzokideen artean landuko den baratza kolektiboa ... Kultur gune hau auzokoen eskariak bete ahal izateko erabilera anitzeko espazio ugariz osatuko da. 

Eraikuntza berriak ingurukoen kolaborazioa, lankidetza eta harre- man estutzea bilatzen du. Ikastaro, tailer zein beste ekintza ugari jorratuko dira.

Proiektatutako eraikinek auzoan inpaktu gehiegi ez egitea bilatzen dute. Proposatutako kanpo itxurak inguruko izaera  mantentzen du. Plazari eta barne espazioei dagokienez izaera organikoagoa duten elementuak erabili dira. Aurretik dauden bi zuhaitzak birlandatu dira, hauen kokapena pixkat aldatu delarik.

Sortutako hiru bolumenek plazarekiko eta auzoarekiko lotura lantzen dute, tarteko plaza norabide guztietara zabaltzen delarik. Proposatutako plataformak aurretiko plazaren jarraipen bisuala jorratzen du, nahiz eta honen azpitik pasua ahalbidetu.

Proiektua ondo ulertzeko Google Earth-ekin ikusteko aukera ematen dugu. Artxiboan klikatu, deskargatu eta zabaldu. Automatikoki programa zabalduko da eta proiektua bertan kokatuta egongo da. Inguruko eraikinekin lotura ikusteko 3D eraikinak aktibatu. Baliteke, bertsioen arabera, kokapena guztiz zehatza ez izatea.

Ideiak garatzen

Erreferentziak

Erik Gunnar Asplund

Basoko kapera

   
Arne Jacobsen

National Bank of Denmark

SAS eraikina

Sverre Fehn

Bruselas pabilioia

Venezia pabilioia

Alvar Aalto

Villa Mairea

RCR Architectes - Plaza puente

 

L'Auberge de la FORÊT

L’Auberge de la Forêt proiektuak Marseillarako puntu erreferente moduan funtzionatzen du. Portu inguruko gune bat berrirakurtzen du, egun dagoen parkeari izaera indartsuagoa ematen diolarik. Atal desberdinez osatzen da Txoritokia, inguruko hegaztiak ikusteko eta hauei buruzko informazioa eskuratzeko aukeraz gain, hiri osorako begiratokia du goialdean: portu zaharra, gaztelua etab. 

TOKIA

Emandako guneak eskaintzen duen izaera aniztasuna ikusita txoriak erakarriko dituzten elementuak bilatu dira kokapena erabakitzeko. Horretarako bertako hegaztiek behar dituzten kondizioak aztertu direlarik. Berdegunearen presentziak zuhaitzak landatzeko aukera luzatzen du, azpitik bidea pasatzen ez den tokietan. Itsasoarekiko eta arrokekiko hurbiltasunak ere laguntzen du osotasun egokia lortzen.

NORABIDEA

Proiektuak inguruko eraikinen alineazioa darabil norabidea ezartzeko. Marseilla puntu altuago batetik ikusteko aukera emateaz gain, hurbil dagoen elizak duen balkoiko ikuspegiak ez ditu oztopatuko txoritokiak.

GUNEAK

Jadanik dagoen petankarako azalera mantentzen da, inguruan belar guneak landatu direlarik. Kale altueran dagoen parkeak jarraitasuna du Txoritoki barnean. Berdeguneek sartu irtenak dituzte modu organikoan. Fatxadak airean sortzen duen lerro zuzena zoladuraren aldaketaren bidez islatuko da plazako pabimentu zurrunarekin kontrastean legarra jarriko delarik perimetroan. Altuera desberdintasunak korten altzairuaz babestuko dira, elementu berak alboko kaletik pasatzen diren kotxeen zarata isolatuko dituelarik.  

Eskailerak eta bi igogailuk konektatuko dituzte parke maila eta altueran kokatutako guneak. Lehenengo geltokiak eremu osorako begiratokia eskaintzen du. Bigarren solairuak kabi handi baten errepresentazioa egiten du: hiru alboetako paretetako zulotxoen bidez kanpoaldean kokatutako habiak ikusteko aukera ematen du; gainaldean lastoz estalitako beirateak argitasun izpiak sartzen utziko ditu, txoriak ere ikusten direlarik. Hall nagusian informazio gunea dago, non guztiari buruzko liburukiak eta oroigarriak eskura daitezkeen. Albo batera komunak eta biltegia ezarri dira, beste albora igota erakusketa tenporalak bisitatzeaz gain Marseillarako bistaz goza daiteke gela amaieran kokatutako leihate handi batetik. 

EGITURA

Garabiak sostengatzen duen kutxa erraldoia da proiektuaren funtsa. Darabilen fatxadak modulazio jakin bat jarraitzen du zuhaitz-baso formak ondo lotzeko. Altzairuzko egitura aluminioz estali da enbor eta adarrak osatzeko. Guztia azpian lotuko duen gerriko bat izateaz gain tentsoreak planteatu dira barnealdean, txorientzako egoteko kable moduan funtzionatuko dutenak. 

      Fatxadako zabalguneak estaltzeko sareak erabili dira, barruko distribuzioari erreparatuz azal konpaktuagoak, itxiagoak, edo irekiagoak lortuz.  Gauerako argiztapen fokuek egitura barnean dute lekua, fatxada eta inguruko partea argiztatzen balio dutelarik.

 Alde laburreko egitura zatia kargatuagoa egongo da pisua sortzeko eta eraikin osoa orekatzeko. Horretarako altzairu gehiagoz osatuko dira atzealdeko enbor eta adarrak.