La Petite Basquaise - A Balenciaga Inspired Chair

Proiektuen lantegian aurten Balenciaga izan dugu hizpide. Kurtsoaren helburua moda diseinatzailearen soinekoetan oinarritutako aulkiak egitea izan da, eta azkenean badugu gure emaitza!

Lehendabiziko pausua garai antzekoko aulkiak aztertzea izan zen, eta George Nelson-en Coconut Chair egokitu zitzaigun.
Honen ostean Balenciagaren beroki baten azkerketa egin dugu. Trajeak dauzkan ezaugarriak, esentzia, formak etab. landu ditugu. Honekin batera bai trajeari eta bai gure aulkiari emango diogun izena pentsatu dugu, aurreko lanketaren ondoren.
Azken pausu moduan, berokian oinarritzen den aulkia egitea tokatu zaigu, maketetatik hasi eta 1:1 eskalako prototipora iritsi arte!

> Kotoi beltzezko otomanoz egindako berokia · C.Balenciaga · 1960
Horra egin genuen maketaren argazkia eta aurkezpen bideoa:



> La Petite Basquaise · Alex Arregui Leszczynska eta Ainhoa Loidi Andonegui · 2013
       "Gorputzaren formak estaltzen dituen linearen alaba gazteena dugu. Mendiak, natura, landa lurrak, eta baserriak oroimenean gordeta ditu, bere soinean euskal ondarea azaleratzen duelarik. Osatzen duten atalek norabidetasuna jasotzen dute, zuzentasuna eta malgutasuna bere baitan bilduz. Orokorrean simetrikoa izan arren, asimetria keinu batek bere izaera errotik aldatuko du. "

Sortzaileak bankua probatzen!

Balenciaga Ezartzen blogean aurki daitezke kurtsoan zehar egindako lanak eta emaitza aulki guztiak:
http://balenciagaezartzen.blogspot.com.es/