Conection proiektua

 Marsellan kokatzea

   Marseilla itsasora begiratzen duen  eta mendigune batez inguratuta dagoen anfiteatro natural batean kokatzen da. Baldintza hauek betidanik izan dute eragina hiriaren hazkundean, dauden lur lauak okupatu ondoren mendi magaletako eremu malkartsuetara jo behar izan zen, azken hauen eta lur lauen artean espazio bereziak sortuz.

   Hiri mailako espazio publiko garrantzitsuenetarikoa da hau, tamainagatik eta baita duen kokapen estrategikoagatik. Orain arte baztertuta egon den eremua birgaitu nahian espazioen arteko loturak proposatu dira.

 

   Kontzeptuak    

    Proiektuaren esentziak arkitektura ibilbidea du helburu. Sortutako egiturak arrapalaz lotuko ditu puntu guztiak, merkatal-gune ideiari uko eginez. Bertan komunikazio bertikal batek agintzen du, “eroslea” zuzenean nahi duen tokira eramanez. Kontzeptua, beraz,
elementu guztiak lotzen dituen
lokarria sortzea da.

 

 Proiektuaren nondik norakoak

    Proiektuak altuera diferentziak lotzeko helburua du. Kota desberdinetan dauden guneak batu nahi izan dira. Horretarako modulatutako elementuak erabili dira, espazio ezberdinen arrapala-lokarri bihurtuko direlarik. Honez gain, komertziora zein beste erabilera anitzetara bideratuta doazen nukleo itxiak egiteko aukera eskeintzen du.

    Aurrekariak aztertuta, tokiak baditu zenbait erabilera erakargarri: kaleak hainbat komertzio ditu, plaza handian petanka zein beste kirol batzuentzako eremua dago, gainaldean beste parke berde bat kokatzen da, eta azkenik alboko bulego eraikinak eskola ere badu bere baitan. Hauek guztiak maila, altuera, desberdinetan garatzen dira gaur egun.

    Erraz montatzeko proposamen honek lotura bermatzen du kota diferentziak saihestuz. Erabiliko den sistemak arrapala bidezko ibilbidea eskaintzen du oinezkoarentzat. Gainera eskaileraz osatuko da sarea, lotura soil batetik, mailak elkarkonektatuko dituen elementu bat bilakatuz. Alboko eraikinak dituen igogailuak ere aprobetxatuko dira.

    Plataforma hauen tateko espazioek izaera egokia hartzen dute hauek itxi eta guneak duen jarduera eskaintza zabaltzeko, nahiz eta irekita utziz gero ere funtzionamendu ona izan dezaketen.

 

Proiektu oina

Ebaketa isometrikoa

 .

 Eraikitze sitema
  
    Altzairuzko egitura oinarri izanda, zutabe eta habeak, panel mixto aurrefabrikatuak erabiliko dira gune zapalgarria eratzeko. Modulu karratu hau (3’5 x 3’5 m) formari eraldatzeko moztu egingo da tokira ekarri aurretik. Altzairuzko barne-egituraren gainean hormigoi isuriz egindako akabera sortuko da.
    Itxitura 3 panel motaz egingo da, hauen konbinaketa libreak emaitza oso desberdinak eman ditzakelarik.

Aurkeztutako lamina

Oinarrizko proiektua

Proiektuak altuera diferentziak lotzeko helburua du. Kota desberdinetan dauden guneak batu nahi izan dira. Horretarako modulatutako elementuak erabili dira, espazio ezberdinen arrapala-lokarri bihurtuko direlarik. Honez gain, komertziora zein beste erabilera anitzetara bideratuta doazen nukleko itxiak egiteko aukera eskeintzen du.

 

 

Soka Loka Proiektua

Soka Loka proiektuak auzokidetza eta elkarlana bultzatzen ditu. Soka eta heltze sistema xinple batek imajinazioak eman ditzakeen aukera amaigabeei erantzuna emango dio: kalea estaliko duten toldoak, haurrentzako jolaslekua prestatzea, proiekzioetarako pantailak etab. Auzokideek egunerokotasunean zein egun berezietan erabiltzeko helburua duen proiektua dugu. Kooperazioa, guztien arteko adostasuna eta bizikidetza izango dira emaitza efektiboen oinarri.

Planteamendua, zein modulazioa, bi eraikineko unitateak sortuz proiektatu da. Honela bi ataritik behin programa desberdinak eraman ahal izango dira, edo albokoekin ados jarritako jarduera zabalagoak prestatu.

 

Do It Yourself!
Proiektua ikusten zenuela beste ideiarik okurritu al zaizu? Bertako auzokide bazina zein proposamen gustatuko litzaizuke "eraikitzea"? Denon eskura utzi dugu kaleko modulo oso bat froga berriak egin ahal izateko! Animatu!


Maketaren argazkiak:

Gure entrega :)

Kaleko irudietan adierazten diren erabilera anitzak maketan zuzen zuzenean ikus daitezke garatuta.

Hiri Estrategiak

Vauban, gunearen azterketa

SokaLoka proiektua

 Sokak eta telak oinarri hartuta, sor daitezkeen forma eta funtzioak aztertu ditugu.

 

MonoEstudio, Candy Chang eta gizartea

Orain dela bi aste MonoEstudiokoen hitzaldia izan genuen. Gizartea eta hiriaren arteko erlazioei buruz aritu zitzaizkigun, pertsonen harremanak, hauen eta arkitekturaren artekoak ... Proiektu bat garatzerakoan forma hainbat faktorek ematen diotela azpimarratu zituzten. Diseinuak eta ekonomiak hartzen dute gaur egun leku garrantzitsuena, eta soziologo hauen ustean biztanlegoak ere badu zer esana prozesu guzti honetan. Hala, proiektu batek gizartearen beharrei erantzun beharko die. Estudio honek zera galdetzen du: zer gustatzen zait? zer behar dut? zer daukat?; beste aldetik guk nola erantzun diezaiokegu horri? zein da soluzioa?

Ubanized filmea ikusita Candy Chang kaleko artistara iritsi naiz. Zer egiten du emakume honek? Gizartea pentsatzen jartzen du. Iniziatiba honek "I Wish This Was" pegatinak zaharkitutako edo alde batera utzitako tokietan jartzea proposatzen du. Bigarren pausuak bertan bizi direnen interakzioa eskatzen du: errotulki batekin bakoitzak pentsatzen duena idatzi behar du "Hau zera izatea nahiko nuke..." Esperimentu honek zuzenki azaltzen ditu bertakoen nahiak eta beharrak. Ez al da interesgarria?

    

Urbanized (2011) by Gary Hustwit

Hirigintza, hiria, eta hiritarrak, pertsonak alegia, hizpide duen dokumental interesgarria. Nola garatu dira gauzak orain arte? Eta emendik aurrerakoak? Zein da jarraibidea? Ba al dago gaur egun etorkizunera begiratzen duen irtenbiderik?
XXI. medean sortzen/hazten ari diren hiriek XX. medekoak dituzte erreferentzia moduan. Behar bada, ez da hori oinarri ona. Hurrengo pausuak nola egigo diren kontzeptuan dago gakoa, ideia berritzaile bat behar da, mende berrirako eredugarri bilakatuko den ideia bat.

Gary Hustwit: aurretik ikusitako Objectified dokumentalaren zuzendari berarena da, "Design Trilogy" proiektuaren arduraduna.